初體驗 Google Analytics 4

如果你係一張白紙剛剛接觸 Google Analytics 4 嘅話，其實對你嘅影響不大。只不過如果你係現有用戶，你一定會感覺都有啲無所適從。除咗技術性嘅改動之外，其實好多數字嘅解釋都已經唔同咗好多。再加上新嘅 Reports 相對現時嘅 Google Analytics (Universal) 嘅分別十分之大，所以要適應一個全新嘅系統的確需要時間。

新同舊 Google Analytics 嘅分別

好多人都會比較 Google Analytics 4 和 Google Analytics (Universal)，但係因為基本上係兩個完全唔同嘅系統，講真就真係無辦法去比較。不過如果你有做開 Mobile App 嘅工作，相對性會比較簡單，因為Google Analytics 4 係 Users Based 同一般分析 Mobile App 用 Event 去記錄用戶行為係好類似。

當然 Google Analytics 4 嘅 Event 係好唔同，而每個 Event 亦都可以有唔同嘅 Parameter，因此除咗要面對基本應用嘅同時，係安裝同收集數據方面都需要落更加大嘅功夫先至可以有效咁收集到有用嘅數據。之後我哋再逐一去同大家分析。

要配合其他 Google Marketing Platform 嘅產品

如果你問一個擁有超過 12年 Google Analytics 經驗嘅公司，幫過唔同大大小小嘅公司安裝及使用 Google Analytics，究竟 Google Analytics 4 好唔好用，我相信我嘅答案係「超級唔好用！」。不過好彩嘅係 Google 有 Tag Manager 可以幫手處理收集數據嘅問題，Looker Studio (啱啱改名，前身係 Data Studio) 去解決絕大部分嘅 Report 同 Dashboard 問題。

當然除咗要兼顧 Google Analytics 4 嘅改變，其實亦都有把握今次嘅改變去安裝 Google Tag Manager 同學習如何使用 Google Looker Studio。因為之後嚟兩個工具將會改寫你如何安裝，管理及使用 Google Analytics 4。

而我希望 2023年可以每日將過往嘅經驗慢慢同大家分享。